ചള്ളാസ്
ചള്ളാസ് എന്നും സള്ളാസ് എന്നും ഒക്കെ പറയുന്ന അതെ സാധനം തന്നെ. മറ്റു നാട്ടുകാര്‍ റൈത്ത ചേര്‍ത്ത് ബിരിയാണി കഴിക്കുമ്പോള്‍ വടക്കന്‍ കേരളത്തില്‍ ഇവനാണ് കൂട്ട്.കേരളത്തിന്റെ മറ്റു ഭാഗങ്ങളിലും ഇവനുണ്ടോ എന്ന് അറീല്ല .
സവാള :- രണ്ടു :- നീളത്തില്‍ കനം കുറച്ചു അരിഞ്ഞത്
പച്ച മുളക് :- രണ്ടു പൊടിയായി അരിഞ്ഞത്
തക്കാളി :- ഒന്ന് :- നീളത്തില്‍ അരിഞ്ഞത്
കറിവേപ്പില :- ഒരു പിടി
ഇഞ്ചി പൊടിയായി അരിഞ്ഞത് :- ഒരു ടേബിള്‍ സ്പൂണ്‍
കല്ലുപ്പ് :- രണ്ടു നുള്ള്
കട്ട തൈര് :- അര കപ്പ്‌
സവാള, കറി വേപ്പില, മുളക്, ഇഞ്ചി ഇവ ഉപ്പു ചേര്‍ത്ത് നന്നായി ഞെരടി മൃദുവാക്കുക.
ഒരു മൂന്നു നാല് മിനുട്ട് എങ്കിലും ചെയ്യണം കേട്ടോ.
അപ്പോഴേ സത്തൊക്കെ പുറത്ത് വന്നു ആ നീരില്‍ നന്നായി ഞെരടാന്‍ പറ്റുകയുള്ളൂ.
ഇത് ഒരു പത്ത് മിനുട്ട് മാറ്റി വയ്ക്കുക.
ഇനി വിളമ്പാന്‍ നേരം തൈര് ഒഴിച്ചു ഇളക്കി തക്കാളി കൂടി ചേര്‍ക്കാം.
ഉപ്പൊന്നു നോക്കിയേരെ. .
തൈരിന്റെ പുളിക്കനുസരിച്ച്ചു ചിലപ്പോ കൂടുതല്‍ ചേര്‍ക്കേണ്ടി വരും.
No comments:
Post a Comment