ഉരുളക്കിഴങ്ങ് ദോശ

ഇതാ ഉരുളക്കിഴങ്ങ് ചേര്‍ത്തുണ്ടാക്കാവുന്ന രുചികരമായ ഉരുളക്കിഴങ്ങ് ദോശ. മസാലദോശ പോലെ ആസാദ്യകരം. കഴിച്ചുനോക്കൂ..



ചേര്‍ക്കേണ്ട ഇനങ്ങള്‍

ഉരുളക്കിഴങ്ങ് - 3/4 കിലോ
കടലമാവ് - 11/2 കപ്പ്
ഉപ്പ് പാകത്തിന്
വെളിച്ചെണ്ണ - 3 വലിയ സ്പൂണ്‍
ജീരകം - 1 സ്പൂണ്‍
സവാള അരിഞ്ഞത് - 1/2 കപ്പ്
പച്ചമുളക് അരിഞ്ഞത് - 4 സ്പൂണ്‍
അരിപ്പൊടി - 1/4 കപ്പ്
അമേരിക്കന്‍ മാവ് - 2 വലിയ സ്പൂണ്‍
സോഡാപ്പൊടി - 2 നുള്ള്
ഇഞ്ചി അരിഞ്ഞത് - 1/2 സ്പൂണ്‍

പാകം ചെയ്യുന്ന രീതി

ഉരുളക്കിഴങ്ങ് പുഴുങ്ങി തൊലികളഞ്ഞ് പൊടിക്കുക. കടലമാവും അരിപ്പൊടിയും അമേരിക്കന്‍ മാവും വെള്ളവും ഉപ്പും പാകത്തിനു ചേര്‍ത്ത് കട്ടകെട്ടാതെ കുഴയ്ക്കണം. ഉരുളക്കിഴങ്ങ് പൊടിച്ചതും 2 നുള്ള് സോഡാപ്പൊടിയും ചേര്‍ത്ത് ദോശയ്ക്ക് കലക്കുന്നതുപോലെ കലക്കുക. ചീനച്ചട്ടി അടുപ്പത്ത് വച്ച് ചൂടാക്കുമ്പോള്‍ വെളിച്ചെണ്ണ ഒഴിച്ച് കൊത്തിയരിഞ്ഞ ഉള്ളി , പച്ചമുളക്, ഇഞ്ചി, ഇവ ഇട്ട് വഴറ്റി മാവില്‍ ചേര്‍ക്കുക. ദോശക്കല്ലില്‍ ഒഴിച്ച് ഇരുപുറവും ചുട്ടെടുക്കുക