പപ്പടവട:

പപ്പടവട

പെട്ടെന്ന് ഉണ്ടാക്കാവുന്നതും കൊച്ചുകുട്ടികള്‍ക്കും മുതിര്‍ന്നവര്‍ക്കും ഒരു പോലെ ഇഷ്ടപ്പെടുന്നതുമായ ഒരു നാടന്‍ നാലുമണി പലഹാരമാണ് "പപ്പട വട". 

വേണ്ടത് :

ഗോതമ്പുപൊടി - ഒരു കപ്പ്

ഉപ്പ് - പാകത്തിന്

എള്ള് - അര ടീ സ്പൂണ്‍

എണ്ണ - വറുക്കാന്‍

ജീരകം - ഒരു നുള്ള്

പപ്പടം - 25 എണ്ണം

തയാറാക്കുന്ന വിധം:

ഗോതമ്പുപൊടിയില്‍ വെള്ളം ചേര്‍ത്ത് കലക്കുക. ഇതിലേക്ക് എള്ളും ജീരകവും ഉപ്പും ചേര്‍ക്കുക. ഇത് ചെറുതീയില്‍ തിളപ്പിച്ച് കുറുകുമ്പോള്‍ വാങ്ങി വയ്ക്കുക. ചീനച്ചട്ടിയില്‍ എണ്ണയൊഴിച്ച് ചൂടാകുമ്പോള്‍ ഓരോ പപ്പടവും ഈ കൂട്ടില്‍ മുക്കി പൊരിച്ചെടുക്കുക. വായു കടക്കാത്ത ടിന്നില്‍ അടച്ചു വച്ചു സൂക്ഷിക്കാം.